Fyksesund Premium – privat båttur og fjord floating frå Norheimsund
Reis privat i ein komfortabel, lukka båt frå Norheimsund inn i den veglause delen av Fyksesund. Der flyt de i fjorden under bratte fjellsider, med skipper, guide, varm drikke og snacks ordna berre for gruppa dykkar.
Privat tur · Lukka båt · Veglause Fyksesund · Tre timar · Inntil ti gjester · Varm drikke, snacks og digitale bilete inkludert
Planlegg ei privat oppleving direkte med oss
Dette er ein privat tur som berre vert sett opp på førespurnad. Send oss ønsket dato, talet på gjester og eventuelle behov knytte til transport eller servering. Me stadfestar tilgjengeleg båt og guide, starttid og endeleg pris i eit skriftleg tilbod.
Varigheit
3 timar
Vanskegrad
Lett
Gruppestorleik
1–10 gjester
Prisar
Frå Kr. 20 000
Age
13+
Sesong
oktober-april
(på føresprunad)
Om opplevinga
Fyksesund er ein smal arm av Hardangerfjorden, omgitt av høge fjellsider og med ein skjerma, veglaus inste del. På denne tre timar lange opplevinga reiser de frå Norheimsund til floatingstaden i ein komfortabel, lukka båt – berre dykkar eiga gruppe, skipperen og guiden.
Båtreisa er ein viktig del av opplevinga. Den lukka båten skjermer mot vind og nedbør, slik at de kan halda varmen og følgja landskapet innover fjorden under skiftande vêrtilhøve. Etter kvart som Fyksesund smalnar, vert det mindre ferdsle og lengre mellom husa. Fossane og fjellsidene skiftar uttrykk med årstid og vêr.
Slik går turen
Frå Norheimsund til Fyksesund i lukka båt
Me møter dykk i resepsjonen på Thon Hotel Sandven før avgang frå Norheimsund. Skipperen går gjennom turen og tek dykk med ut på Hardangerfjorden og vidare inn i Fyksesund.
De sit skjerma om bord medan omgjevnadene endrar seg frå strandsona i Norheimsund til den smale, veglause delen av fjorden.
Fjord floating mellom bratte fjellsider
Ved floatingstaden går de i land og får ei gjennomgang av utstyret og tryggleiken. Guiden hjelper dykk med dei isolerte overlevingsdraktene før de går ut i fjorden.
Drakta isolerer mot det kalde vatnet og held dykk flytande. De treng ikkje kunna symja. Når de legg dykk bakover, ser de fjellsidene reisa seg frå fjorden medan de kjenner dei små rørslene i vatnet.
Dei fleste er i vatnet i om lag 30–45 minutt. Tida vert tilpassa tilhøva og korleis kvar enkelt har det. Guiden er i nærleiken gjennom heile økta.
Klesskift og servering om bord
Etter floatinga går de opp av vatnet og tilbake til den lukka båten. Der skiftar de til tørre klede før båten set kursen tilbake mot Norheimsund.
Under returen vert det servert varm drikke og snacks om bord. De kan halda varmen, senka skuldrene og sjå Fyksesund og Hardangerfjorden frå båten på vegen tilbake.
Digitale bilete frå floatinga vert sende etter turen, slik at de kan la telefonen liggja trygt att under sjølve økta.
Prisar
Privat gruppe med 1–10 deltakarar: frå Kr. 20 000.
Endeleg pris vert oppgitt i tilbodet før bestillinga vert stadfesta.
Stad
Avgang og retur: Norheimsund
Floating:
Fyksesund
Møtestad
Reseption på Thon Hotel Sandven, Kaien 28, 5600 Norheimsund
Bussterminalen ligg om lag 50 meter frå møtestaden.
Starttid
Etter avtale. Turen vert berre sett opp på førespurnad i sesongen.
Språk
Norsk og engelsk
Ein privat dagstur frå Bergen
Norheimsund ligg om lag 80–90 minutt frå Bergen med bil eller direktebuss. Sidan starttida vert avtalt på førehand, kan me så langt det er mogleg tilpassa henne til gruppa si reise frå Bergen.
Bussterminalen i Norheimsund ligg om lag 50 meter frå Thon Hotel Sandven. Sjekk gjeldande rutetider hos Skyss, og opplys i førespurnaden dersom de planlegg å reisa med buss.
Transport mellom Bergen og Norheimsund er ikkje inkludert.
Praktisk informasjon
Alle deltakarane får informasjon og hjelp med utstyret før floatinga. Overlevingsdraktene må passa, og me innhentar difor høgd, vekt og skostorleik for kvar deltakar før turen.
Etter floatingøkta skiftar de til tørre klede inne i den lukka båten. Ta difor med klede som er enkle å skifta av og på.
Skipperen vurderer vêr- og fjordtilhøva før avgang. Rute, starttid eller gjennomføring kan verta justert dersom tilhøva krev det.
Dette er inkludert
- Privat båtreise tur og retur mellom Norheimsund og Fyksesund
- Komfortabel, lukka båt
- Erfaren skipper og lokal guide
- Isolert overlevingsdrakt med hette, hanskar og støvlar
- Lån av lue og varme sokkar
- Instruksjon og gjennomgang av tryggleiken
- Guide i nærleiken gjennom heile floatingøkta
- Høve til å skifta til tørre klede om bord etter floatinga
- Varm drikke og snacks serverte i båten under returen til Norheimsund
- Digitale bilete som vert sende etter turen
Meld frå om allergiar eller andre behov knytte til serveringa når de sender førespurnaden.
Klede og utstyr de bør ta med
- Ullundertøy eller anna varmt undertøy
- Varme lag til å ha under overlevingsdrakta
- Varme sokkar
- Klede som er enkle å skifta av og på
- Eit tørt klesskift til bruk om bord etter floatinga
Unngå bomull nærast kroppen
Krav og avgrensingar
- Minimumsalder: 13 år
- Minimumshøgd: 150 cm
- Maksimumshøgd: 210 cm
- Maksimumsvekt: 120 kg
- Alle deltakarane må kunna bruka ei av dei tilgjengelege draktstorleikane
- Symjeferdigheiter er ikkje nødvendig
- Opplevinga er ikkje tilrådd for personar med hjarte- eller luftvegssjukdom
- Mobiltelefonar og vanlege kamera skal vera att på land eller i båten under floatinga
- Actionkamera kan nyttast dersom det er forsvarleg
Transport og parkering
Buss: Det går direktebussar mellom Bergen og Norheimsund. Sjå Skyss for gjeldande rutetider.
Bil: Det finst offentlege parkeringsplassar i nærleiken av Thon Hotel Sandven. Følg skilting og gjeldande parkeringsvilkår.
Transport til og frå Norheimsund er
ikkje inkludert.
Kvifor velja denne opplevinga?
- Heile turen vert gjennomført privat for gruppa dykkar.
- De reiser komfortabelt og skjerma i ein lukka båt.
- Båtreisa tek dykk inn i den veglause delen av Fyksesund.
- Floatinga vert gjennomført langt frå den vanlege aktiviteten langs hovudfjorden.
- De skiftar til tørre klede inne i båten etter floatinga.
- Varm drikke og snacks vert serverte om bord under returen.
- Skipper, guide, utstyr og digitale bilete er inkluderte.
- Turen krev verken symjeferdigheiter eller tidlegare erfaring.
Kven passar turen for?
Turen passar for par, familiar med ungdom, vener og små private grupper som ønskjer å oppleva Hardangerfjorden i rolege og komfortable rammer.
Han eignar seg òg for mindre bedrifts-, leiar- og incentivgrupper som ønskjer ei privat naturoppleving med eit tydeleg lokalt preg.
Alle deltakarane må vera minst 13 år og oppfylla høgde- og vektkrava for overlevingsdraktene.
Send førespurnad om privat tur
Send ønsket dato, talet på gjester og eventuelle behovgjennom skjemaet under. Me kjem tilbake med forslag til starttid, stadfesting av båt og guide og eit samla tilbod.
Vanlege spørsmål - FAQ
1. Korleis bestiller me turen?
Turen kan ikkje bestillast direkte i via ein bookpingkalender. Send oss ein førespurnad med ønsket dato og talet på gjester. Me kontrollerer båt- og guidekapasiteten og sender eit skriftleg tilbod.
2. Er båten og floatingøkta private?
Ja. Båtreisa og floatingøkta vert gjennomførte berre for gruppa dykkar. Maksimal kapasitet er ti deltakarar, føresett at me har draktstorleikar som passar alle.
3. Kva slags båt vert brukt?
Turen vert gjennomført med ein komfortabel, lukka båt. De sit skjerma frå vind og nedbør på reisa mellom Norheimsund og Fyksesund. Etter floatinga skiftar de til tørre klede inne i båten.
4. Kor er møtestaden?
Me møtest i resepsjonen på Thon Hotel Sandven i Norheimsund. Hotellet ligg om lag 50 meter frå bussterminalen og nær avgangsstaden for båten.
5. Kan me reisa frå Bergen med offentleg transport?
Ja. Det går direktebussar mellom Bergen og Norheimsund, og reisa tek vanlegvis om lag 80–90 minutt. Opplys at de kjem med buss når de sender førespurnaden, slik at starttida om mogleg kan tilpassast rutetidene.
6. Kva alders-, høgde- og vektgrenser gjeld?
Deltakarane må vera minst 13 år, mellom 150 og 210 cm høge og ikkje vega meir enn 120 kg. Grensene er knytte til storleik og kapasitet på overlevingsdraktene.
7. Må me kunna symja?
Nei. Overlevingsdrakta held dykk flytande. De får instruksjon før de går i vatnet, og guiden er i nærleiken gjennom heile floatingøkta.
8. Kor lenge er me i vatnet?
Dei fleste er i vatnet i 30–45 minutt. Heile opplevinga varer om lag tre timar, inkludert båtreisa, påkleding, floating, klesskift om bord og retur til Norheimsund.
9. Vert me kalde eller våte?
Overlevingsdraktene er laga for kalde forhold og skal isolera og halda dykk flytande. Litt fukt kan stundom koma inn kring opninga ved ansiktet. Bruk varme lag under drakta og ta med eit tørt klesskift. Etter floatinga skiftar de inne i den lukka båten.
10. Kva skjer dersom vêret er dårleg?
Den lukka båten gir ly for vind og nedbør under båtreisa. Skipperen vurderer likevel vind, sikt og fjordtilhøve før turen. Dersom turen ikkje kan gjennomførast forsvarleg, kontaktar me dykk for å avtala ei anna løysing.
11. Kan me ta med telefon eller kamera i vatnet?
Mobiltelefonar og vanlege kamera skal vera att på land eller i båten. Actionkamera kan nyttast dersom tilhøva tillèt det. Me tek digitale bilete under floatinga og sender dei etter turen. Dronebilete kan takast når vêr, stad og gjeldande reglar tillèt det.
