Vinterpakke: RIB-safari og fjord floating i Norheimsund

75 minutt RIB-safari · 75 minutt fjord floating · Lokale guidar · Utstyr inkludert · Dagstur frå Bergen · Oktober–april

Bestill direkte hjå oss

Når du bestiller her, bestiller du direkte hjå Hardangerfjord Adventure. Me gjennomfører begge aktivitetane og hjelper deg med spørsmål om klede, transport, vêr og private bestillingar. Du finn datoar og ledige plassar i turkalenderen.

Om vinterpakken

Dagen byrjar med RIB-safari frå Norheimsund inn i Fyksesund. Etter ein pause i bygda møter du oss igjen for fjord floating ved Thon Hotel Sandven. Du bestiller aktivitetane samla, men floatinga går føre seg i Norheimsund etter at RIB-turen er avslutta.

På båtturen går me frå den opne Hardangerfjorden og inn i den smale fjordarmen Fyksesund. Her kjem du tett på bratte fjellsider og fossefall som endrar seg med nedbør og temperatur. Me stoppar undervegs, og kapteinen fortel om stadene de passerer og livet langs fjorden. Fart og rute vert tilpassa tilhøva.

Tilbake i Norheimsund har du om lag ein time til eigen disposisjon. Du kan eta lunsj, ta ein kaffi eller gå ein tur langs strandvegen før neste aktivitet.

Under floatinga har du på ei isolert overlevingsdrakt som held deg flytande. Guiden hjelper deg ut i vatnet og er i nærleiken gjennom heile økta. Dei fleste er i vatnet i om lag 30–45 minutt. Resten av tida går til instruksjon, påkleding og skifting.



Begge aktivitetane har oppmøte på Thon Hotel Sandven, nær bussterminalen i Norheimsund. Pakken kan gjennomførast som ein dagstur frå Bergen med buss eller bil.

Prisar

Voksen/Ungdom (frå 13 år): kr. 2 000

Privat oppleving: kr. 17 000  for ein gruppe på opptil 10 personer

Stad

Norheimsund

Møtestad:

Reception/lobby of the Thon Hotel Sandven 20 minutes before RIB departure (Kaien 28, 5600 Norheimsund)

Reiserute

 10:40 – Oppmøte på Thon Hotel Sandven. Påkleding og gjennomgang av tryggleiken.

11:00 –Avgang med RIB til Hardangerfjorden og Fyksesund. Båtturen tek 75 minutt.

12:25 – Tilbake på hotellet og ferdig med å ta av RIB-utstyret

12:25–13:30 – Pause til lunsj, kaffi eller ein spasertur i Norheimsund.

13:30 – Oppmøte til fjord floating. Instruksjon og påkleding før me går til vatnet.

14:45 – Fjord floating er avslutta.

Språk

Norsk og engelsk

Kvifor velja denne pakken?

• Du får både båttur inn i Fyksesund og floating i Norheimsund på same dag.
• Begge aktivitetane har oppmøte på Thon Hotel Sandven.
• Du har tid til lunsj eller ein spasertur mellom aktivitetane.
• Me stiller med guidar og utstyret du treng til begge opplevingane.
• Du kan reisa frå Bergen med buss og gjennomføra dagen utan bil.

Kven passar pakken for?

Pakken passar for par, vener og familiar med ungdom som vil bruka ein vinterdag ved fjorden. Han passar òg for mindre grupper som ønskjer eit felles program med ein pause mellom aktivitetane.



Du treng inga erfaring frå RIB eller floating. Alle deltakarar må likevel oppfylla krava til alder og storleik på draktene, og kunna delta på begge aktivitetane.