Om turen – Hardangerfjorden i lågsesongen
Frå oktober til april endrar fjorden karakter. Haustregnet gir liv til fossane, vinteren kan leggja snø på fjelltoppane, og utover våren kjem lyset og fargane tilbake. Dette er ei tid for å oppleva Hardanger med færre besøkande og meir rom til å ta inn landskapet.
Me startar i Norheimsund og følgjer Hardangerfjorden mot Fyksesund. Innover i den smale fjordarmen reiser fjellsidene seg bratt frå sjøen. Her vekslar turen mellom etappar med fart og guida stopp der du får tid til å sjå deg rundt, ta bilete og høyra forteljingar om naturen og livet langs fjorden.
Når tilhøva tillèt det, går me heilt inn mot Botnen, den veglause grenda inst i Fyksesund. Me stoppar på sjøen utanfor grenda, der kapteinen fortel om ein stad der fjorden lenge var den viktigaste ferdselsåra.
Dette er lågsesongutgåva av RIB-safarien vår frå Norheimsund, med same planlagde rute som heilårsturen. Opplevinga varierer med årstid og vêr: Nokre dagar byr på speglingar i fjorden, andre på skyer mellom fjellsidene, kraftige fossar eller isformasjonar.
Snø og tilfrosne fossar er ikkje garantert. Kapteinen tilpassar fart og rute til tilhøva, og is kan avgrensa kor langt inn i Fyksesund me kan gå.
