Om turen
På denne turen får du ei variert reise gjennom fleire sider av Hardangerfjorden – frå den lune fjordbygda Ulvik til større fjordlandskap, mektige fjellsider, Hardangerbrua og avsidesliggjande fjordarmar.
Turen kombinerer RIB-fart, storslått natur og lokale historier. Du får oppleva kontrasten mellom open fjord, bratte fjellsider, fossefall, veglause grender og rolegare fjordlandskap der tradisjonelt fjordliv framleis set spor. Undervegs stoppar kapteinen ved utvalde punkt, slik at du får tid til å ta bilete, sjå landskapet og høyra meir om historia knytt til området.
Dette er turen for deg som ønskjer meir enn ein kort fjordtur. Ultimate-turen passar for gjester som vil ha ei større og meir innhaldsrik RIB-oppleving frå Ulvik, med god tid på fjorden og fleire natur- og historiepunkt undervegs. Her får du Hardangerfjordens kontrastar samla i éin tur – fart, utsikt, stillheit og lokal kunnskap.
