Fjord floating på Hardangerfjorden i Norheimsund
Flyt på vinterfjorden i ei varm overlevingsdrakt, med ein lokal guide i nærleiken. Me møter deg i Norheimsund, om lag 80–90 minutt frå Bergen.
Varm overlevingsdrakt · Lokal guide · Varm drikke og litt å bita i · Digitale bilete inkludert · Opptil ti deltakarar · Ingen krav om symjeferdigheiter
Bestill direkte hjå oss
Når du bestiller her, bestiller du direkte hjå Hardangerfjord Adventure. Det er me som møter deg og gjennomfører floatinga. Du finn ledige plassar i kalenderen og kan kontakta oss om du lurer på klede, transport, vêr eller ei privat bestilling.
Varigheit
75 minutt
Vanskegrad
Lett
Prisar
Kr. 990 per person
Aldergrense
Frå 13 år
Sesong
Oktober-april
Om opplevinga
Med ei isolert overlevingsdrakt på legg du deg bakover og flyt i fjorden ved Norheimsund. Drakta held deg flytande, og guiden er i nærleiken gjennom heile økta. Du treng verken symjeferdigheiter eller tidlegare erfaring.
Frå vassflata ser du strandkanten, husa og fjella rundt bygda frå ein annan vinkel. Du kjenner dei små rørslene i vatnet, medan drakta isolerer mot den kalde fjorden. Vinterlyset og vêret gjer at kvar økt vert litt ulik.
Me møtest på Thon Hotel Sandven, ein kort spasertur frå staden der me går i vatnet. Før floatinga får du hjelp med utstyret og ei gjennomgang av korleis drakta fungerer, korleis du kjem deg ut i vatnet og korleis du gir beskjed til guiden.
Sjølve opplevinga tek 75 minutt, inkludert påkleding og skifting. Dei fleste er i vatnet i om lag 30–45 minutt. Me tilpassar tida til tilhøva og korleis du har det. Etterpå samlast me til noko varmt å drikka og litt å bita i.
Prices
Vaksen/ungdom frå 13 år: Kr. 990 per person
Privat økt: Kr. 8 000 for opptil ti personar
Stad
Norheimsund
Møtestad
Resepsjonen på Thon Hotel Sandven, Kaien 28, 5600 Norheimsund. Møt til tidspunktet som står i bestillinga.
Startider
Dagleg kl. 13.30. Sjå turkalenderen for datoar og ledige plassar.
Språk
Norsk og engelsk
Ein dagstur frå Bergen
Norheimsund ligg om lag 80–90 minutt frå Bergen med bil. Du kan òg ta direktebuss; reisetida varierer med avgangen. Frå bussterminalen er det om lag 50 meter å gå til Thon Hotel Sandven.
Floatinga kan dermed gjennomførast som ein dagstur utan bil. Har du tid før eller etter økta, ligg kafear, butikkar og strandvegen i gangavstand frå møtestaden.
Sjekk avgangar og kjøp billett i Skyss-appen. Vel ein buss som gir deg god tid før oppmøtet, og sjekk returreisa før du bestiller.
Praktisk informasjon
Du får informasjon og hjelp med utstyret før me går i vatnet.
Overlevingsdrakta må passa, og alle deltakarar må vera innanfor høgde- og vektgrensene nedanfor.
Guiden er i nærleiken gjennom heile floatinga. Sei frå dersom du treng hjelp, vert kald eller ønskjer å gå på land.
Dette er inkludert:
- Isolert overlevingsdrakt med hette, hanskar og støvlar.
- Lån av lue og varme sokkar.
- Instruksjon og gjennomgang av tryggleiken.
- Lokal guide gjennom heile økta.
- Varm drikke og litt å bita i etter floatinga.
- Digitale bilete som me sender etterpå.
Klede og utstyr du bør ta med:
- Varme klede til å ha under overlevingsdrakta, gjerne ull eller syntetisk undertøy.
- Varme sokkar.
- Klede som er enkle å skifta av og på.
- Eit tørt klesskift som reserve.
- Unngå bomull nærast kroppen. På kalde dagar er det godt med fleire lag, særleg på overkroppen.
Krav og avgrensingar:
- Minimumsalder: 13 år.
- Minimumshøgd: 150 cm.
- Maksimumshøgd: 210 cm.
- Maksimumsvekt: 120 kg.
- Opplevinga er ikkje tilrådd for personar med hjarte- eller luftvegssjukdom.
- Mobiltelefonar og vanlege kamera skal vera att på land. Actionkamera er tillatne.
Transport og parkering:
Buss: Det går direktebussar frå Bergen til Norheimsund. Sjå Skyss for ruter frå Bergen, Voss og andre stader. Bussterminalen i Norheimsund ligg om lag 50 meter frå møtestaden.
Bil:
Møtestaden er Thon Hotel Sandven i Norheimsund sentrum. Det finst offentlege parkeringsplassar i nærleiken. Følg skilting og gjeldande parkeringsvilkår.
Kvifor velja fjord floating i Norheimsund?
- Du kjem ut på Hardangerfjorden utan å måtta kunna symja.
- Me møter deg sentralt i Norheimsund, nær bussterminalen.
- Du får hjelp med drakta og ein guide i nærleiken gjennom heile økta.
- Du kan velja ei vanleg påmeldingsøkt eller bestilla privat for di eiga gruppe.
- Varm drikke, litt å bita i og digitale bilete er inkludert.
Kven passar opplevinga for?
Fjord floating passar for deg som vil prøva ein roleg vinteraktivitet på fjorden. Du kan koma åleine, med kjærasten, saman med vener eller med familien. Ungdom frå 13 år kan delta dersom dei er minst 150 cm høge.
Opplevinga passar òg for mindre grupper som ønskjer å gjera noko saman ute. De treng inga erfaring, men alle må oppfylla krava til storleik på draktene.
Ønskjer de ei privat økt?
Kombiner fjord floating med RIB-safari
Bli med på ein 75 minutt lang RIB-safari inn i Fyksesund og ei eiga 75 min økt med fjord floating i Norheimsund. Aktivitetane vert bestilte samla som ein vinterpakke, men gjennomførte kvar for seg.
Tid til begge aktivitetane – og ein pause i bygda
Mellom RIB-safarien og floatinga har du om lag ein time til lunsj, ein kaffi eller ein spasertur i Norheimsund. Begge aktivitetane har oppmøte på Thon Hotel Sandven.
Frå RIB-tur i Fyksesund til floating i Norheimsund
På RIB-safarien kjem du inn mellom dei bratte fjellsidene i Fyksesund, med stopp der kapteinen fortel om stadene de passerer. Under floatinga held me oss ved strandkanten i Norheimsund, der du kan leggja deg bakover i vatnet og ta det med ro.
Vanlige spørsmål - FAQ
1. Kor er møtestaden?
Møtestaden er lobby på Thon Hotel Sandven i Norheimsund, berre 50 meter frå hovedbussholdeplassen. Gratis offentleg parkering i nærleiken.
2. Kan eg reise frå Bergen med offentlig transport?
Ja. Det er direkte bussforbindelse frå Bergen til Norheimsund. Busshaldeplassen ligg berre 50 meter frå møtestader på Thon Hotel Sandven.
3. Er det ein minimumsalder for å delta?
Ja, du må være minst 13 år gamal for å delta.
Krav til minimum høgde er 150 cm på grunn av storleik på redningsdraktane.
4. Kva bør eg ha på meg?
Kle deg varmt! Det inkluderer minst to lag for overkroppen.
Du får låne ei varm lue og varme raggsokkar for å halde deg varm, men ikkje nøl med å ta på deg for mykje, det er alltid lettare å ta av seg litt i siste liten.
5. Må eg bestille på førehand?
Ja, førehandsbestilling på nett garanterer di plass. Tilgjengelegheita er avgrensa til 10 deltakarar for å sikra riktig storleik på redningsdraktar.
6. Er det nokon storleik-/vektavgrensningar?
Våre redningsdraktar har følgjande avgrensingar:
- Krav minimum høgde: 150 cm
- Maksimal høgde: 210 cm
- Maksimal vektkapasitet: 120 kg
7. Treng eg å kunne svømme?
Nei. Overlevingsdrakta held deg flytande. Du får instruksjon før du går i vatnet, og guiden er i nærleiken gjennom heile økta.
8. Vil eg verta kald eller våt?
Våre redningsdraktar er designa for vintertilhøve på havet og for å halde deg varm og tørr i opptil 6 timar i kaldt vatn etter SOLAS-bestemmelser. Me gjer vårt beste for å halde deg helt tørr – men om du vert litt for leiken i vatnet, kan du vera litt fuktig i kantane på drakten!
9. Korlenge er me i vatnet?
Dei fleste er i vatnet i om lag 30–45 minutt. Tida vert tilpassa tilhøva og korleis du har det.
10. Kan eg ta med kameraet eller telefonen min i vatnet?
Nei, personlege kamera og telefonar er ikkje tillatt i vatnet – men ikkje bekymre deg! Me tilbyr action-kamera slik at du kan forevige opplevinga di trygt, og når forholda tillet det, sendar me til og med opp dronen vår for å ta fantastiske luftbilete slik at du hugsar eventyret.
